Monday, 31 March 2014

prema-ప్రేమ

కన్నులు చూడని  దృశ్యం  ప్రేమ 

పెదవులు పలకని  గానం  ప్రేమ 

కలముకు దొరకని కవితలు  ప్రేమ 

కరిగే  కాలపు  సవ్వడి   ప్రేమ


మనసుతో చూసే మౌనం ప్రేమ 

మదిలో  మ్రోగే  రాగం  ప్రేమ 

కధగా మిగిలే మధురం ప్రేమ 

తరగని తీయని ఊహలు ప్రేమ

                            !!సురేష్!!

Wednesday, 26 March 2014

prema-ప్రేమ

నీ  ప్రతి  శ్వాస  నేనై  చేరనా ... 

నీ ప్రతి అణువు నేనై మారనా ...


నీ కడవరకు నీ అండగా నడవనా .... 

నీ ఆనందమై నీ అందున నిలవనా .... 


నీ కనుల కలలను నిజముగ మార్చనా ... 

నీకన్నా నిను ప్రేమించే ప్రాణం నేనవ్వనా ....

                                           !!సురేష్!!

jevitham-జీవితం

చిక్కబడ్డ    చీకటిలో    ప్రతి    రంగు    నలుపే ........

ఉదయించిన హృదయంలో ప్రతి  మలుపు గెలుపే... 


సాగే సెలయేరులా ఒడిదుడుకులు నే దాటనా..... 

వీచే  చిరుగాలిలా  ప్రతి  అంచుకు  నే  చేరనా..... 

 

వెలుగుని దోచే చీకటి  నే దాచనా..... 

కాలం వేసే సంకెళ్ళు నే తెంచనా.... 

                                          !!సురేష్!!

Wednesday, 19 March 2014

baadha-బాధ

మనసులలో మరణిస్తూ 

నా ఊసులు చెరిపేస్తూ 

ఆశలను అనిచేస్తూ 

శ్వాసలను లేక్కేస్తూ 

కాలాన్ని కరిగిస్తూ 

ఏకాకిగా జీవిస్తూ 

చివరిక్షణం ముగిస్తా .... 

                         !!సురేష్!!

prema-ప్రేమ

ఎండమావిలా నను చేరిన  ఈ బంధాన్ని 

వెలుగునిస్తూ చీకటి చేర్చిన ఈ బంధాన్ని 

 పరిమళిస్తూ  ప్రాణం తీసిన ఈ బంధాన్ని

నా తోడు చేరి నను ఒంటరి చేసిన ఈ బంధాన్ని 

................ వెలివేస్తున్నా.................

                                                               !!సురేష్!!

Sunday, 16 March 2014

prema-ప్రేమ

నీ జననం నా కోసం 

నీ పరిచయం ఆశ్చర్యం 

నీ  పలుకులు ఆనందం 

నీ ప్రేమ నాకో వరం 



నా  జన్మకు ఓ అర్ధం 

నా గమ్యం నీ   ప్రపంచం 

నా ప్రతీ క్షణం నీ సొంతం 

నా ప్రాణం నీ కోసం 

               !!సురేష్!!

Saturday, 15 March 2014

andham-అందం

నిను చూసిన కన్నులకి

హరివిల్లు అలుసేగా.... 


నీ  పెదవుల పలుకులకి 

పదనిసలు పల్లవి  తుల్లేనుగా ... 

 

నీ అడుగుల జాడలకి 

జలపాతపు జడులు జరిగేనుగా .. 


నీ కన్నుల వెలుగులకి 

పున్నమి వెన్నల అలుగేనుగా ...

                                 !!సురేష్!!

Thursday, 6 March 2014

prema-ప్రేమ

నా కన్నుల ముందు నీ  రూపం 

నాలో హద్దులు దాటిన ఆనందం 

 

కనురెప్పలు మూసిన కల్లోలం 

ఆ క్షణమే యదలో ఓ యుద్ధం 

                             !!సురేష్!!

 

Popular Posts